Simbahang Katoliko Gustong Ipa-Retiro ang Nangungulilang Elepante ng Manila Zoo Upang Wakasan ang Taong-Taong Labis na Kalungkutan at Paghihirap

Maynila — Ang People for the Ethical Treatment of Animals (PETA) Asia ay nakatanggap ng sulat mula sa Most Rev. José S. Palma, arsobispo ng Cebu at presidente ng Catholic Bishops’ Conference of the Philippines (CBCP), na nagsasaad ng malakas na pagsupporta ng CBCP na mailipat si Mali— ang nalulumbay na humigit-kumulang na 38-taong elepanteng nangungulila sa Manila Zoo—sa isang sanctuario kung saan maaari siyang mabuhay ng may dignidad at maayos na kalusugan sa piling ng iba pang mga elepante.

“Salamat sa directive mula sa Pangulong Benigno Simeon Aquino III and sa pagsisikap ng PETA, isang sanctuario ang maaaring magbigay ng tyansang mailigtas si Mali sa madaming taon ng kalungkutan at paghihirap at higit sa lahat, mailigtas ang kaniyang buhay,” sulat ni Palma. Sa kaniyang pasya, “Si Mali ay maaaring may ilang taon na lamang para mabuhay, subalit ang mga taong ito ay magiging mas makabuluhan sa pagpapakita ng awa ng tao para sa mga likha ng Diyos.”

Nito lamang nakaraang buwan, si Mali ay binigyan ng isang visual na pagsusuring medikal mula sa kinikilalang dalubhasa sa mga elepante na si Dr. Henry Melvyn Richardson, na naiulat na si Mali ay nakararanas ng ilang mga pisikal na karamdaman kabilang ang sakit sa kanyang mga paa na maaaring niyang ikamatay-at matinding psychological stress resulta ng kanyang pagkakawalay o pangungulila. Si Dr. Richardson, na dinala sa Pilipinas [sa gastos] ng PETA, ay inirerekomenda na mailipat si Mali sa isang sanctuario para mapangalagaan, mabigyan ng rehabilitasyon, at maibigay ang mahalagang pakikisalamuha ng iba pang mga elepante.

Ang PETA ay nakakuha ng lugar para kay Mali sa isang sanctuario kasama ng 14 iba pang mga elepante sa hilagang Thailand at siya ring magbabayad para sa mga gastos na may kinalaman sa kanyang paglilipat doon.

Para sa mga elepante, ang pagkakakulong at kakulangan ng pakikipaghalubilo sa iba pang mga elepante ay madalas na nagdudulot ng abnormal, at neurotic behavior— at sa kaso ni Mali, ito ay mabilis na nangyayari. Madami nang mga zoo—kasali na ang mga zoo sa U.S. at U.K.—ay napagisip-isip na hindi nila kayang ibigay ang mga pangangailangan ng mga elepante at nag desisyon nang isara ang mga elephant exhibits nila. Ang gobyerno ng India ay naglabas na rin ng kautusang ilipat na sa mga sanctuario na pinapatakbo ng kanila gobyerno ang mga elepante sa mga zoo doon.

Ang liham ng Most Rev. José S. Palma sa PETA ay nakalakip. Para sa karagdagang impormasyon, bisitahin ang PETAAsiaPacific.com.