China Southern Airlines, China Eastern Airlines, Vietnam Airlines, and Air China, Tinatarget Din

Manila — Dahil sa kakila-kilabot na ulat ng isang whistleblower na nagsasabing ang Shin Nippon Biomedical Laboratories USA (SNBL)—ang ikatlo sa pangunahing importer ng unggoy sa mga laboratoryo sa Estados Unidos—maya’t mayang inaabuso at hinahayaan ang mga unggoy na magdusa sa masasakit at nakamamatay na eksperemento, ang PETA ay nananawagan sa ilang kumpanyang paliparan na pumapayag na magparating ng mga unggoy sa mga laboratoryo tulad ng SNBL na itigil na ang kahiya-hiyang gawaing ito. Ang PETA U.S. ay naglabas na ng mga larawan at video ng mga unggoy na nagdurusa sa loob ng SNBL.

Kahit na halos lahat ng pangunahing kumapanyang paliparan sa mundo ay may patakaran na nagbabawal ng pagbabyahe ng mga unggoy para sa eksperimentasyon, may ibang kumpanyang paliparan—kasama na ang Air China, China Eastern Airlines, China Southern Airlines, Philippine Airlines, at Vietnam Airlines—na nagpapatuloy pa rin sa pagbabyahe ng libo-libong mga unggoy sa Estados Unidos at iba pang mga lugar, kung saan sila ay kinukulong, pinapahirapan sa karumaldumal na paraan sa masasakit na eksperimentasyon, at pinapatay sa mga laboratoryo.

“Sa pagpaparating ng mga unggoy para sa eksperimentasyon, ang mga kumpanyang paliparang ito ay masasabing kasali na din sa pang aabuso ng mga unggoy ng mga kumpanyang tulad ng SNBL, kung saan ang mga unggoy ay kinukulong, tinatali, nilalason, at iniiwan para magdusa,” sabi ng bise president ng internal operations sa PETA Asia, si Jason Baker, “Kinakailangang malaman ng mga tumatangkilik sa mga kumpanyang paliparan na ito na hindi na sila kailanman papayag muli na mamumuhunan sa paghihirap ng mga matalino at palakaibigang hayop.”

Maraming kumpanyang paliparan—kasama na ang Cathay Pacific, American, Delta, United, British Airways, Virgin Atlantic, Qantas, Aer Lingus, at marami pang iba—ay hindi na pumapayag na magpabyahe ng mga unggoy para sa mga laboratoryo.

Ang ibang unggoy ay ipinapaanak na sa mga masisikip at maduduming monkey farms, habang ang iba ay hinihiwalay sa kanilang mga pamilya sa kagubatan. Pagkatapos ay sinisiksik ang mga takot na hayop sa mga kahong gawa sa kahoy at binabyahe sa madilim at nakakatakot na taguan ng kargo sa eroplano, na kung kadalasan ay nasa mga byaheng pampasahero kung saan walang kamalay-malay ang mga sumasakay.

Para sa karagdagang impormasyon ukol sa mga hayop na ginagamit pang-eksperimento, bumisita sa PETAAsiaPacific.com.