Mula kay Ma. Corazon Delgado-Tolentino

Tandang tanda ko pa nung ako ay bata pa
Kapatid kong isa ang lagi kong kasama
Maglaro sa lupa, magluto sa lata
Manguha ng mangga sa bakuran ng iba

Minsan nama’y sa gubat kami nagpupunta
Nangangahoy, naghahanap ng pang-ulam baga
Pusikit, lukan, bagungon at hipon,
Niyog at bayabas wala tayong kakupas kupas

Hirap ng buhay di natin alintana
Basta’t pagkalam ng sikmura siguradong may magagawa
Kalapit na sementeryo may makikita ka
Na pwede mong ilaman sa tyan mong kumakalam

Those were the days my sis, kung natatandaan mo pa
Nung tayo’y sumamang mag-ani sa bukid
Maggiik, magkarit pilipit na ating leeg
Pero sige pa rin tayo tinatapos pa rin nating pilit

Ewan ko ba sis, sa tuwing ito’y maaalala
Ay lagi na lang akong umiiyak, tumatawa
Kahapong nagdaan na ikaw ang laging kasama
Nakakamiss, nakakatouch ang ating samahan baga

Those were the days my sis, at tayo’y mga dalaga na
Masayang samahan, awayan kung minsan
Di magpapansinan, di magtitinginan
Di mo maiaalis na sa ati’y magdaan

Tanda mo pa ba sis, nung mattend tayo ng sayawan
Doon sa Bacungan, sa dati nating kasamahan
Ng bumanat na ang tugtog at guyod na ang sasayaw
Ay patay kang bata ka, tumakbo tayo sa likuran

Kelan kaya ulit tayo’y magkakasama
Na mairerewind un dati natin baga
Panahon na lumipas, naaalala ko sa tuwina
At dinadasal kong maalala mo rin sana

Ewan ko ba sis, pero di ko mapigil;
Ang lagi na lang ay magngungoy sa dilim.
Sa tuwing maaalala ko mga pinagdaanan natin;
Ay di ko mapigil ang aking damdamin.

Kay Hirap isipin na ngayo’y iba na
Mga prioridad natin, ay nakaplano na
Meron na kasi tayong kanya kanyang pamilya
Na nagangailangan ng ating presensya

Salamat nga pala sa samahan natin
Na minsan masaya at minsa’y mapakla
Masaya naman ako na ikaw ay nakasama
Sa mga panahong kailangan kita

Lagi mong tandaan, andito lang ako
Malayo ma’y malapit din kung internet ang gagamitin
At pag nagkita tayo, sabay nating sasabihin…

Those were the days my sis!
Ulitin ulit natin (sabay tawa)